以下是Sky Sir 友好：棋亮撰文
由上周五內地雙減政策令外教股跌八九成，觸發增長股洗倉風暴，科網股、物管股及醫療股等，多個增長股板塊出現跌兩成至四成的個股。期指三個交易日跌三千點，昨天成交上到3600億，北水流向有限，似是一些增長基金守不住，大幅平倉。同時，價值股及高息股於期內只錄得微跌，甚至有些錄得上升，市場兩極化甚為嚴重。
而昨天中午傳出，美國禁止當地基金投資中港股市，令市場再出現拋售，但跌穿25000點後，市場終於有支持，估計短線市場會有反彈，而且會集中於跌得較多的個股，沒有跌的個股或者會補跌一些。這個反彈浪的特點應該會較快，因為估計係淡倉平倉盤推動，多於新資金入場，所以如果仍持重貨者，應該借機減持一下，因為中線反覆下跌的機會仍高。
昨天早上唔少股升得唔錯，狠心清了新能源、金礦股及很多儲落零成本的貨，令持倉一下跌至五成不足，剩下主要是電訊、生發發、香港地產、基建同唔生性嘅科技股，另外下午揸期指加返一些倉位，當然用得期貨都係博一兩日就算。今日或者會博唔生性科技指數反彈，但睇得比恒指期貨更短，即日都走，日日清。
棋亮執筆
Search